المنتدى يشتكي

اولا السلام عليكم ورحمة الله وبركاته
اخواتي واخواني اعضاء منتدانا الغالي انا النهاردة حبيت ادخل واشتكي بالنيابة عن المنتدى
في الحقيقة الشكوى موجهة ضد جميع الاعضاء والمشرفين والادارة
انا شايفة مفيش موضوعات جديدة ولا ردود حتى منتدى خواطر محدش بيكتب فيه ولو حد اتكرم وكتب نادر لما حد يرد
كرسي الاعتراف وقفناه عشان مفيش حد بيدخل المنتدى
كمان لوحة الشرف معملنهاش لنفس السبب
يعني مش معقولة كلنا مشغولين الله يكون في عونا جميعا بس اظن مفيهاش حاجة لما تدخل يوميا نص ساعة تشوف الموضوعات الجديدة تستفيد منها عندك تعليق ترد عليها او توضح حتى وجهة نظرك
مش معقول محدش فينا خالي من المشكلات اللي بتواجهه او بتواجه حد يعرفه واحنا عشان كدة عملنا منتدى خواطر
اعرض مشكلتك او موضوع يهمك والكل يرد ويديلك وجهة نظره
العاب وبنزل ولو انت مش عجباك الالعاب دي حط انت اللعبة اللي تعجبك واشرحها وكلنا نلعب
ياااا جماااااااااااعة المنتدى مش حاجة بتضيع لوقت ولا حاجة وخلاص
والله العظيم انا عن نفسي في حاجات كتير عرفتها واتعلمتها من المنتدى دة
لما بكون متضايقة بلعب لعبة في منتدانا او بشوف مشاكل منتدى خواطر ساعتها مشاكلي بتهون ولو في ايدي حل افيد حد بيه بقوله
ياجمااااااااعة بترجاكم كل اللي يدخل يقرأ الموضوع دةيقول هو عاوز نعمل ايه ونعمله ولو شايفين ان المنتدى ملهوش لازمة او تضييع للوقت قول واقنعنا المهم نعرف وجهة نظر الجميع
انتخبوا عايزين مين على كرسي الاعتراف
لو عندك حاجة عايز نعملها حطها في منتدي الاقتراحات
المهم في النهاية نوصل لتطوير المنتدى

وجزانا الله وجزاكم كل خير
وتمنياتي صرخة وشكوى المنتدى تكون وصلت للجميع

بصراحه عندك حق في كل كلمه كتبتيها
اد ايه كل اعضاء المنتدي مش مهتمين بالمنتدي حتي الاعضاء النشطين ملوا
ان نفسي يكون المنتدي زي الاول واعضاء المنتدي كمان يكونوا زي الاول
بس للاسف
شكل كل حاجه بتبقي ليها فرحتها في الاول وبعدين فركش
بصراحه الواحد ارتبط بالمنتدي جدا لدرجه اني اول حاجه بعملها لما اشغل النت افتح المنتدي واشوف الجديد
انا عن نفسي من المقصرين في حق المنتدي لان ممكن اقرا الموضوعات بس مردش.
بس ان شاء الله هتفاعل اكتر من كده
وشكرا علي الموضوع ده بجد سبقتيني.بس المهم يبقي في مردود.

متشكرة جدااااااااا يا زيزو على مشاركتك وردك على الموضوع
واتمنى فعلا اشوف مشاركاتك
نورت المنتدى