مذكرات مشرفة زهقانة

بسم الله الرحمن الرحيم
السلام عليكم ورحمة الله وبركاتة
انا شفت الموضوع دا وعجبني جدا

بصوا بقي يامعلمين
انتبهولي كده وصحصحوا الساعة دلوقتي 07.05 مساء
ولسه مانامت بسببكم
هتجننوني خليتوا شعري يقع من كتر اما شديت فيه
بصوا
من النهاردة ومن الساعة دي
مفيش زفت مواضيع محدش يكتب مواضيع هنا
عايزين تكتبوا حاجة اكتبوها برة مش هنا
دا اللي ناقص كمان
بقولكوا ايه


امال انا مسكت الاشراف هنا ليه ؟؟؟؟؟؟
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين
كل شوية موضوع مخالف ومتكرر
هصرف عليكوا من جيبي كمان واصلحلكوا ولا ايه
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتبص بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض
حعوره
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقرا الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته علية هطلع لكوا قتيل

بعد قراءتي للموضوع حمدت ربنا انك مش مشرفة
بالطريقة دي محدش هيدخل المنتدي ولا هيكتب موضوع
طبعا انا بهزر معاكي
كل سنة وانتي طيبة يايويو
تمنياتي المزيد والمتابعة الدائمة

هههههههههه
اشراف زي الفل ..
بس هيبقا ناقصنا عصيان على خراطيم وفلكة على كام وسيلة عقاب ....
بس يا ترى الادارة تعمل ايه بقا ...
تسلمي على موضوعك الجميل ...
في انتظار الاكثر

حراااام عليك يا مديرنا بقى المشرفين مش مهتمين؟؟؟؟؟؟؟؟!!!!!!!!!
بالعكس خالص انا شايفة ان المشرفين مهتمين بس الاعضاء مش مهتميييييييين خالص لا بالموضوعات ولا بالرد عليها ولا حتى بوضع موضوعات جديدة
اتمني الكل يساهم في تطوير المنتدي واللي عنده اقتراح او مشكلة يعرضها علينا(اي خدمة يا مديرنا عشان متقولش مش مهتمين)
وفي النهاية عايزة اقول ان المنتدى منتدانا جميعا ويجب على الجميع المساهمة في تطويره والسعي لجعله افضل واحسن منتدي

شكرا جدا علي الاهتمام وعلي الردود الجميله دي
بس الكلام مش علي المشرفين اللي هنا لانهم كويسين
وفعلان المشكله مش عند المشرفين المشكله عند الاعضاء
بس علي العموم شكرا لكل الاعضاء لانهم شجعوني علي دخول المنتدي .

بصراحة انا شايفة ان اميرة عندها حق لان الاشراف والادارة قايمين بدورهم في المنتدى من حيث تغيير استايل المنتدى
بصراحة الاستايل جميل جدا وكل استايل بيناسب المناسبة اللي بيتحط في وقتها كمان مهتمين بالموضوعات والردود عليها لكن انا عندي استفسار صغير :- ليه محدش بيهتم بلوحة الشرف ؟
انا شايفة لو اهتميتوا بيها المنتدي ممكن يتحسن لان هيكون في تنافس بين الاعضاء
اما بالنسبة للاعضاء ففعلا احنا مقصرين في منتدانا
تمنياتي تطوير المنتدي والاهتمام بيه

الحمد لله انا مش مشرف
الدور والباقي علي المشرفين
احم احم
هو الكلام علي مين
موضوع جميل وبيتكلم علي المشرفين بس مش بتعنا علشان المشرفين بتعنا كويسين.
شكرا علي الموضوع