خيال .........فى خيال

???? الثلاثاء ديسمبر 02, 2008 10:54 pm

رجب الطربي
عاش حياته كلها بين الموتي لم يفكر يوما في الخروج للحياه ولكنه فكر يتجوز سعاد بنت عمه اللي كان بيحبها قبل مايعيش في القبور مع الموتي ابوها طبعا مش موافق عشان مش عاوز بنته تعيش في الطرب بس يعيني البنت بتحب الطربي وموافقه تتجوزه بعد ماعدت التلاثين سنه ابوها وافق طبعا بعد اصرار منها عشان ديه بنته الوحيده ومش عاوز يزعلها رجب طار من الفرحه بصراحه مكنش مصدق نفسه راح مجهز احلي مكان في الطرب وعلي أعلي مستوي كله سيراميك وتكييف ودش وحاجه اخر مزاج طبعا الفرح كان عالضيق كدا عشان ميعملش ازعاج للميتين طبعا عمل الجنازه من اول باب المقابر لحد عش الزوجيه سعاد كانت فرحانه اووي انها اخيرا اتجوزت والراجل اللي بتحبه كمان عاشت يومين عسل مع رجب حلوين اووي وتالت يوم رجب رجع للشغل تاني سعاد زهقانه فكرت تفتح الدش تسلي وقتها ولسه هاتمسك الريموت هووووب الدش اشتغل لوحده طبعا استغربت وبعدين قالت تلاقيني دوست ع الزرار (بتشتغل نفسها ) المهم فضلت تتسلي شويه وقامت بقي تحضر الاكل عشان رجب بيه زمانه جااااي ولازم يلاقي لقمه يكلها بتبص من الشباك لاقيت رجب جااااي طيرااان عالباب تفتح لجوزها لاقيت الباب فتح لوحده برضه بس المره ديه مستغربتش قالت اكيد رجب استخدم المفتاح اللي معاه مع ان رجب لسه فاضله حوالي 3 او4 خطوات كدا علي مايوصل للباب
سعاد : رجوبتي حمدلله علي سلامتك
رجب : الله يسلمك ياسعاد
سعاد : ايه سعاد ديه دلعني يارجوبه
رجب : عاوزني اقولك ايه يانن عين رجوبه
سعاد: قولي ياسوسو يا سعسع كدا يعني
رجب: الله حلوه اوي سعسع ديه قوليلي بقي هناكل ايه انهارده ياسعسع
سعاد : انا عملاك اكل جنان تاكل صوابعك وراه ثانيه واحده وتكون الطبليه جاهزه
رجب بيبص ع الطبيله لاقي عليها الاكل ايه دا كله وبتقولي لسه هاتجهزي كفايه كدا طبعا سعاد احولت وبقيت مزبهله شويتين تلاته كدا وقعدت تفتكر هي حطت الاكل ولا لاء ... اه حطته وبعدين رحت فاتح الباب ... لالا ابدا انا خرجت من المطبخ جري عالباب ... ايوه صح كد انا حطيت الاكل وبعدين جريت علي الباب يعني هو الاكل حط نفسه ايوه ان اللي حطيت الاكل اما انا عبيطه صحيح
رجب : ايه ياسعسع انت هاتفضلي واقفه ع الباب كدا كتير يلا تعالي بقي عشان ناكل الاكل هايبرد