قضيتها عاشـتها ..

بنت صغيرة في سن المراهقة الشمس قدامها منورة
والدنيا مدورة بالطول واتهد سور كان مانعهها من الظهور
بس وصلت للفجور بقت في الضلمة بقت بدل النور
طريق الانحراف كان طريقها والشيطان فاقدها
وهي اللي اختارتها وابتادتها لما خرجت من بيتها
والشوارع لمتها والكلاب علمتها ان قيمتها فقدتها لما فقدت كرامتها
بس هيه في وسط الخية في جحر الحية في شبكة قوية
حيطة مش هتعرف تطلع منها مهما كانت عفية مهما كانت قوية
بقت خلاص بني ادمة تانية غلطتها إن هيه خاطية ..


قضيتها عاشتها حياتها ضبطتها من كل حاجة فكتها نسيت تربيتها
رمت جتتها في أول حته لقيتها قدرها وحوش الدنيا اتلموا عليها أكلتها


صبية كانت مادية استغلالية نفسها الفلوس تكون تحتها مرمية
بقت غبية انانية حياتها انتهازية عايشة عيشة الحرية
لما شافته قابلته عرفته عجبها صاحبته بقت دنيته
ومرمطته ووراها جنته واداها كل حاجة حبته
في الاخر خسرته لما خدت منه كل حاجة وسابته شالته من دماغها
ورمته دي بقت ازمته لما صارحته وعرفته بغلطته كده تبقا صدمته دورته جابت اخرته
اصل الاب سابهم في بداية حياتهم
الجوع جالهم الفقر كلهم دخل بيوتهم
نفض جيوبهم باعوا منه هدومهم بقت البنت وحيدة ..
بس النية سليمة تتجوز من غير قسيمة عملت جريمة انها تعيش في الحرام وده الاجرام ...


قضيتها عاشتها حياتها ضبططها من كل حاجة فكتها نسيت تربيتها
رمت جتتها في اول حته لقيتها قدرها وحوش الدنيا اتلموا عليها اكلتها


اتجاه بعيد عن طريق الله اللي يمشي فيه يبقا تاه
ضاع في اخره وانتهى اعمل معروف ان الحياة
في منتهى الصعوبة ياااه راحت البنية في سكة الحرام
والايمان بالله نسياه هو ده الانحراف
واخر الشر الانجراف في مزلقان اخره بان لما راحت للادمان
تعرف ده عشان جنيه تعرف ده عشان جوان
المهم اخر الليل في دخان وواحد ياخد الحنان
بالنسبة لها ده الامان لما بدأت تتهز بدون اتزان ..




قضيتها عاشتها حياتها ضبططها من كل حاجة فكتها نسيت تربيتها
رمت جتتها في اول حته لقيتها قدرها وحوش الدنيا اتلموا عليها اكلتها