اصحا وشوف بتقول ايه..

في الحقيقة في كلام كتير بنقوله في حياتنا بفطرة وسذاجة بس دينيا هو كلام حرام
فنلاقي مثلا لما تحصل اي مشكلة نقول (يانهار اسود) .. مين قالك تحكم عالنهار بانه اسود طبعا دي من الكلمات الحرام.
ومثلا لما نسمع عن حد اتوفى نقول (ده فلان ربنا افتكره) ازاي نقول كده وربنا عز وجل مبينساش حد .
وبرضه تلاقي لما حد يجيله ضيف عزيز عليه يقول (ده احنا النهارده زارنا النبي) وسبب التحريم في المقوله دي انه من المحرم ان تشبه احد بالنبي صلى الله عليه وسلم .
وايضا وبالذات عند الامهات لما يفتكروا حد كويس يقولوا عليه (اسم النبي حارسه وصاينه) وده طبعا حرام لان بكده بتكون
نسبت حماية العبد ده للنبي بس الحامي هو الله .
كمان فيه بعض الامثال اللي حرام نقولها زي مثلا لما نلاقي شخص تغير من حال إلى حال افضل فبنعبر عن عدم استحقاقه او ععدم الرضا عما اصبح فيه بالمثل (يدي الحلق للي بلا ودان) وده حرام لانك بكده بتعدل على ربنا في تقسيم الرزق ..
كل اللي فات ده ياريت نتجنبه قوله ....
يقول تعالى بسم الله الرحمن الرحيم ( مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ) صدق الله العظيم

شكرا على المتابعة ...

وعايزة اضيف كمان انه من المحرمات ان تقول امسك الخشب فالخشب المقصود هنا هو
" الصليب " والصليب هو رمز للعبادة عند الصرانيين
مني جزيل الشكر والتقديرلك و لتلك المعلومات
بالفعل قد افادتني
جزاك الله كل خير
نتمني المزيد

شكرا يا اميرة على ردك ..