ايه سلبيات المجتمع فى رأيك؟؟

السلام عليكم ورحمة الله وبركاته

أعزائى أعضاء منتدى نسيم الروح


اليوم سنفتح بابا جديدا للنقاش ونافذة واسعة من خلالها ننظر على المجتمع

ولكن أى مجتمع ؟؟




سننظر معا على المجتمع الذى نحيا فيه سويا .. مجتمعنا الحالى وحياتنا اليومية ....


بالطبع كل منا يتعرض لمواقف عديدة ومختلفة فهو يتأثر ويؤثر فى المجتمع

قد يتأثر سلبا ...... أو إيجابا ....... وقد يؤثر سلبا أو إيجابا......

ولكننا دوما لا ننسى سلبيات المجتمع ؟؟........ وننتقدها بشكل شبه دائم ..

بالتأكيد لمجتمعنا سلبيات عديدة ..فأرجو من كل من ينوى الرد هنا
ذكر أحدسلبيات المجتمع بشرط




وضع حلا مناسبا له ( من وجهة نظره )



وذلك لفتح النقاش البناء وعدم التوقف عند الانتقاد فقط ولكن نكتسب معا فرصة لايجاد حلول

انتظر مشاركتكم يا شباب

ايه يا جماعه مش معقول مفيش سلبيات في المجتمع دهحاجه مصدقهاش او انكم مش عايزين تقولوا رأيكم دي حاجه تانيه عموما انا هبدأ واقول اكتر حاجه بتضايقني وياريت تشاركوني بارأكم
من اهم سلبيات المجتمع


1- المحسوبية: احنا بجد عايشين فى مجتمع كلة محسوبية و مصالح و مجتمع يغلب فية كلمة( تخدمنى اخدمك و تكرمنى اكرمك)

2- عدم الاحساس بقيمة انفسنا كشعب دايما حاسين من جوانا اننا شعب ضعيف مكسور ملهوش و جود و بحس اننا بنفرح لما بيتقال علينا عالم تالت

3-النفاق : معظم الشعب المصرى منافق و قدامك حبيبك و صاحبك و من وراك انتا ابن ............
4_ اننا شعب بيخاف بيخاف يقول رأيه حني في ابسط حاجه يعني زي مابيقولوا ماشي جنب الحيط

من سلبيات المجتمع :
الاستعداد التام لتصديق الاشاعات وترويجها حتى لو تعارضت مع وجهة نظر المستمع بهدف لفت نظر الاخرين تجاه موضوعه ...

القيام ببعض التصرفات اللي تضر بمصلحته ... وهو لا يدرك ذلك لانه ببساطة لاينظر الاتحت قدميه ... او على رأي باربي لاينظر ابدا ... عشان كده اتعودنا ان احنا نخبط في الحيط وبقت مسألة عادية ..


الجمود في التربية ....
بمعنى ان المعتاد في عملية التربية هو الطريقة التقليدية .. دون ابتكار طرق تربوية جديدة تتماشى مع متطلبات العصر ... واعتبار الانفتاح على الثقافة الحديثة هو ضرب من اللاشرعية ...


الانقلاب 180 درجة تجاه اي شخص عندما يصدر منه سلوك ما لايليق به دون النظر الى سبب تصرفه بهذه الطريقة ... او دون تذكر الاشياء الجيدة التي فعلها من قبل ...

يعني دي من ضمن الحاجت اللي جت على بالي .....

الخرافات فى المجتمع المصري حاجه كده عاملة زى الوباء ..ومشكلة الخرافات دي موش إنها مثلا خاصة بفئة معينة من الشعب ممكن نقول عليهم جهلة أو متوسطين التعليم ولكن الخرافات لم تترك أحد حتى وصلت إلى أساتذة الجامعات .. يعنى لما نلاقى أستاذ فى جامعة أو أى حد وصل وأخد أعلى الشهادت رايح علشان يقف قدام ضريح لاحد الاولياء وعمال يتمسح بالضريح وينادي صاحبه أعملى دي وإبعد عني دى .. لا يمكن لعقل سليم يتخيل إن واحد يروح يكلم واحد ميت ويقعد يدردش معاه ويحكيله قصة حياته

هناك كمان الدجالين المتاجرين بعقول الناس ..وأغلب ذبائن الدجالين مش عارفه ليه الستات! .. وكتير من الفنانات والممثلين بيروحوا للدجالين واتنشر فى ده كلام كتير على لسان دجالين وقعوا فى ايد الشرطة .. فالشخصية المصرية للاسف أصبحت تصدق الدجل والشعوذة

انتى مشكورة على هذا الموضوع وبجد مجهود هائل لان الموضوع يستاهل وبجد عجبنى

احب اشكركم علي ردودكم واتمني الموضوع يعجب باقي الاعضاء وياريت الكل يشارك معانا برأيه

مشكورة منار علي موضوعك الفوق الرائع
ومشكورين ياجماعة علي اهتمامكم وردودكم بهذه الجرأة
اما بالنسبة لية انا شايقة من اكتر السلبيات اللي بتواجه مجتمعنا هي " الــــــــــواسطــــــة" وقال ايه بنستغرب لما نلاقي الشخص الغير المناسب في المكان الغير مناسب ودة راجع لايه ؟
للواسطة طبعا اصل بابي قريب سيادة الوزير كذا ومامي تعرف حرم سيادة المحافظ كذا وعمي يعرف النقيب كذا
ايه احنا ايه وفين؟؟؟؟؟
مش حرام لما يكون في شخص عنده فكر وابتكار وبايديه يعمل حاجات كتير وتشوفه دايما اما نايم او قاعد علي القهوة ودة ليه لان معندوش واسطة يشتغل بيها في الوظيفة المعينة
ومش حرااااام لما تلاقي واحد مش فاهم اي حاجة في اي حاجة وخسارة فيه الحياة اصلا وبالرغم من كدة تلاقيه قاعد علي مكتب وعنده سكرتيرة ونظام
يلا ماهي كوسة
تحيااااااااااااتي

طبعا بحيكي امره علي رأيك وانا معاك ان الوسطه مرض متفشي عندنا في مجتمعنا فبقي كل انسان عنده قرايب مهمين بيتعين بسهوله ومش بشهادته واو اخنصاصه ........عشان تعرفوا ان مصر عظيمه وانها دخلت اساليب جديده وطبقتها وربنا يستر

انا بشكرك منار علي اجمل موضوع في المنتدي
انا النهاردة جاية وجايبة اكبر سلبية ضايقتني في مجتمعنا دة اكبر سلبية اثرت فيا فعلا
وهي سلبية " الـــــعــــــــادات والـــــــتــــقاليد"
انا منكرش انها لها ايجابياتها في بعض الامور ولكن لها سلبياتها اللي ممكن تاثر علي حياتك كلها ومن الممكن تحولها لجحيم
من السلبيات دي انك تفقد حاجة غالية عليك جدااااااااا جدااااااااااا ودة ليه ؟
قال ايه علشان العائلة عايزة كدة؟
اصل عادتنا وتقاليدنا كدة؟
ماشي مش هنكر ان كل شيء راجع للقسمة والنصيب
بس انا نفسي ان الدنيا تكون احسن من كدة وعقول الناس متفتحة اكبر من كدة
ورجــــــــاء مني:
احنا ان شاء الله مسيرنا نبقي اباء وامهات يوم ما ابنك او بنتك يجيلك او تجيلك اسمعله وافهم وجهة نظره وحاول انك تقنعه يا اما تقتنع انت.......
ادعولنا
وتمنياتي اي تعليق علي السلبيات دى

اولا بشكرك اميره وفعلا هيه مشكله منتشره في مجتمعنا بصوره كبيره ان كل واحد بيمشي وراء العادات حتي لو كانت غلط او متنسبش العصر اللي احنا فيه حلو اوي اننا نتمسك بعاداتنا وتقليدنا ومنتشبهش بالغرب بس الاجمل ان العادات اللي هنتمسك بيها تكون مناسبنا ومتأثرش علينا يعني العادات دي استغفر الله مش قرأن نطبقه بحزافيره انا شايفه ان ده تخلف وده سبب تأخرنا يعني مثلا واحد يقولك لا مخليش بنتي تطلع كليه بره حتي لو كان مجموعها يدخلها كليه كويسه ويدخلهاكليه اي كلام جنب بيتهم وده ليه عشان العادات وتقاليدهم متسمحش للبنات بالغربه يا سلام علي الدماغ والله بجد اتمني ان الظاهره دي تختفي من مجتمعنا

والله ياجماعة العادات والتقاليد دي ابائنا وامهاتنا مش جايبنها من بره ... دي هي فعلا اللي اتربينا علينا وهما كمان اتربوا عليها ..... ومش معنى يا اميرة انهم متمسكين بالعادات والتقاليد انهم عقولهم مش متفتحة ... ولاهي طبعا قرأن يا منار بيطبقوه ... بس في النهاية هما اكيد شايفين الاصلح .... وتمسكهم بالعادات والتقاليد اكيد افيه مصلحتنا احنا الاول قبل مصلحتهم ... ياريت تكونوا فهمتوا وجهة نظري ....