لو عندك ضغط اوعى تدخل...

-صخرة وقعت من فوق سطح عمارة ولوح الازاز اللي تحتها متكسرش ليه؟
عشان الصخرة موقعتش عليه
-طيب وفرخة بتعدي الشارع وفجأه ماتت ليه ؟
عشان الصخرة وقعت عليها
-طيب ليه المسطول بيحط جمبه كباية شاي وهو نايم ؟
عشان الشاي منبه
-طيب وليه بيحط جمب الشاي فنجان قهوة ؟
عشان لو الشاي مارنش
-طيب وليه بيحط جمبه كباية ميه مليانه وكباية فاضية؟
عشان ممكن يشرب وممكن ميشربش

معقولة لحد دلوقتي مستحمل طيب خد كمان دول

-في حاجة بيضا طايرة وبتقول نياوو ايه هي ؟
قطة بيضا مضروبة بالشلوت
-طب حاجة سوده طايرة في السمة وبتقول نياو ؟
غراب بيستهبل
-طب حاجة بني طايرة في السما ومبتقولش حاجة؟
فردة جزمة الراجل اللي ضرب القطة البيضا بالشلوت
-طيب حاجة سودا طايرة في السما ومبتقولش حاجة ايه هي ؟
غراب عاقل ومبيحبش الاستهبال
-طيب حاجة زرقا طايرة في السما ايه هي ؟
ذبابة لابسة بنطلون جينس ازرق
-طيب حاجة سوده وفيها خط احمر وطايرة من الشرق للغرب ايه هي؟
ذبابة لابسه فستان سواريه ورايحة فرح واحده صاحبتها
-طيب حاجة سودا وفيها خط احمر وطايرة من الغرب للشرق ايه هي؟
نفس الذبابة بس نسيت حاجة في البيت ورجعت تجيبها
-طيب نقطة سودا على الحيطة تبقى ايه؟
ذبابة
-طيب نقطتين سود على الحيطة يبقوا ايه؟
فيشة
-طيب 3 نقط سوده عالحيطة تبقى ايه ؟
ذبابة وفيشه
-طيب 54 نقطة سودا عالحيطة ؟
يبقى البياض بيقشر
-طيب حاجة طويلة رفيعه وبيضا تبقى ايه ؟
فتله بيضاء
-طيب حاجة رفيعه وطويلة ولونها اسود تبقا ايه؟
خيال الفتلة البيضاء

لسه برضه مصر انك تكمل خلاص يبقا لازم تستحمل اختبار القدرة اللغوية

- ايه هو عكس تليمذات؟
dont tell me that
-طيب ليه التعلب تخين؟
عشان التعلب fat fat
-طيب حاجة ماشية عالارض بسرعه وبتعمل زززززز ايه هي ؟
صرصار راكب موتسيكل
-طيب ناس دخلوا الشقة وعرفوا ان فيها صراصير .. عرفوا ازاي ؟
لقوا الموتسيكلات راكنة جمب البلاعه
-طيب هات فرقين بين الليمون والزيتون؟
1-فيه ليموناده بس مفيش زيتوناده
2-ممكن تقول الناس لاموني بس مينفعش تقول الناس زاتوني


سؤال الجمهور
- هات خمس فروق بين البطة والوزة ؟
اللي يعرف يسيبلي رده والاجابة ...
إلى اللقاء في الجزء الثاني

5فروق بين البطة والوزة 1- تقدر تحلق شعرك البطة لكن ماتقدرش تحلقة للوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها