ايه رايك

زمان أيام زمان بقى

كان الولد يروح لبيت أهل العروسة وهو لابس الحتة اللى عالحبل وبيفكر



يا ترى هيوافقوا لا مش هيوافقوا ؟

ويقعد بكل احترام قدام أبو العروسة

ويقولوا وهو بيتلجلج فى الكلام

" يشرفنى يا عمى إنى أتقدم و أطلب إيد بنتك بتعة سليلة الحسب والنسب "



ومش عارفة اشمعنى ايديها يعنى عينها وحشة رجلها مالهاش لزمة

ومش بعيد كمان يحط وشه فى الارض بيتكسف بقى ويشور عرق



ويبتدى أبو العروسة وهو بيعدل شنباته

الاستجواب



انت من عيلة مين يا ابنى؟



ومرتبك كام ؟



وعندك شقة ؟ وبالطباخ والشوفير للعربية طبعا



" ومن جواه وكمان جاى تخطف منى بنتى بعد ما ربيت وكبرت اما وريتك ( دى حتة خيال علمى على رعب بقى )"

المهم ويفضل يعصره أسئلة

(طبعا دى الصورة الكاركاتورية)

لان فى الحقيقة يقولك احنا بنشترى راجل

و يقعدوا يدوروا و لو لقوا بقى



المهم

دلوقتى بقى لو جينا وشيلنا الولد ده وحطينا بنوتة

هل هتروح وتقول



انا جاية اطلب ايد ابن حضرتك يا اونكل؟



يعنى لو مش يضايق حضرتك يا طنط ؟



بصراحة قريت موضوع عن الحكاية دى فى الجورنان النهاردة وبجد برغم انى الحمد لله مخيلتى واسعة مقدرتش اتخيلها



يعنى انتم ايه رايكم

ممكن البنت تقبل ان هى اللى تتقدم للولد ؟



أو هى اللى تعلنله عن حبها ورغبتها فى الزواج منه؟

وهل خجلها مش هيمنعها ؟



طب والشاب يا ترى هيقبل؟



وهيكون ايه موقفه؟ ونظرته ليها؟



ويا ترى الشبكة والعفش على مين ؟

أنا عليا الحاجة الساقعة اجيبهالهم هدية ....... وأشربها

طب وهل من الممكن انها تتعمل بطريقة غير مباشرة زى انها تقول لحد من قرايبها ويمشى الموضوع ؟



وكمان مش لازم الولد هو اللى يتعب ويثبت للبنت جدارته بيها ؟

يا عزيزتي:-
انا من رأيي ودة الصح واللي انا مقتنعة بيه انه:-
أولا:-مهما كانت مشاعر البنت اتجاه الولد ومهما كانت عظمه حبها له لا يمكن ان البنت هي التي تصرح بمشاعرها له
لان هذا سوف يقلل من احترامها لنفسها ومن احترامه هو لها
ثانيا :- مما يميز الفتاة هو الخجل والحياء اذا لابد الا تكون المبادرة منها
ولكي تكتسب جدارة واحترام الولد لابد انه هو اللي يبدأ بتصريح مشاعره لها
فاذا كان يحبها فعلا ويريدها ويريد ان يتزوجها سوف يعمل المستحيل حتي يثبت لها هذا حتي وان صرح لها مرة ورفضته
وهكذا بالنسبة للزواج :-
فعلي الولد هو الذي يسعي لطلب يد البنت ويصرح عن رغبته في الزواج منها
مشكورة علي موضوعك
نتمني المزيد

اكيد طبعا يا اميرة كلامك صح ...
قال تعالى ( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ )
صدق الله العظيم

احب اشكركم علي ردودك وانا فعلا بتفق معاكوا في رايكم بس موضوع لاقيته وحبيت اعرضه عليكم و احنا في زمن الواحد مبقاش يستبعد فيه اي حاجه وعلي فكره متتخيلوش ان الموضوع ده خيالي اوانه مبيحصلش بالعكس ده بيحصل