ليه كده ؟؟؟؟؟؟؟؟؟

بالنسبة لرفع الاكتاف اثناء المطر فده لان الانسان في الشتاء مبيهتمش بتدفئة منطقة الرقبة قد ما بيهتم بتدفئة المناطق الاخرى .. ورفعه لاكتافه وقت المطر بيديله احساس بالدفا ..
بالنسبة لتخفيض صوت الكاسيت ده طبيعي لانك فجأة لقيت نفسك في طريق غلط فبتنتظر مساعدة من اي شخص ... والاحساس الوهمي او ممكن يكون الحقيقي بأن الصوت العالي ممكن يعيق تلقيه للمساعدة ...
الضغط على الزرارير جامد ده سوء استخدام ..
لان اسمك يعتبر اكتر كلمة بتكتبها في حياتك او بمعنى تاني بتكرر كتابته كتير عشان كمده دايما بتكتبه بخط احسن من اي كلمة تانية ... فبتكتب اسمك اول حاجة بالقلم الجديد عشان تثبت لنفسك ان القلم خطه حلو ...
بتسأل الجو بيمطر بره .. لان ده فعل لا ارادي هو طبعا المنطق بيقول ان كلمة بره او خارج المنزل مينفعش تذكر بس ذكرك لكلمة بره ده لان المطر من الاحداث النادرة او المنعدمة الحدوث داخل المنزل ... وان معظم باقي الاحداث ممكن تحصلجوة وبرة المنزل ... فعشان كده بتتذكر كلمة (برة)... وعلى فكرة مش الكل بيقول الكلمة دي و\لو الشخص بيركز في كلامه معتقدش انه هيقولها ..
اللي بيمد صباعه ويتأكد ده بيبقى فضول وعدم اعتناء بالنظافة ... يعني مش هامه ايده تتوسخ من الطلاء ...
المطعم لما مبيكونش مزدحم قوي مفيش تشجيع لان العائد مبيكونش زي لما المطعم يبقى مزدحم ....
(ليه لما الواحد بيركن السيارة فى موقف فاضى
اللى جاى وراك بيركن جنب؟) دي مش فاهمها ؟؟؟؟
مش دايما لما حد بيجري يلحق الاتوبيس يكون بيبتسم او يضحك .... وان حدث فممكن لانه بيفتكر ايام الطفوله والجري واللعب ..
لما بندوس على زرار الاسانسير كتير مش عشان ييجي بسرعة ... ده بسبب ان الانسان اللي بيستناه بيفرغ غضب انتظاره للاسانسير في زرار الاسانسير ...
بتفتح فمك وانت بتأكل الطفل بالمعلقة لسببين :
الاول : انك من كتر قربك من الطفل ده بتعيش بخيالك انك مكانه والشيء اللي بتتمناه انه يفتح فمه فلا ارادي بتفتح فمك
الثاني : لان الطفل غالبا بيكون باصص عليك وانت بتأكله فانت بتفتح فمك عشان يقلدك
بيكون عندنا استعداد تام لتصديق الكلام اللي بيتقالك بصوت منخفض ده ممكن يكون بسبب اهمية الكلام ده وانه غالبا مش ممكن يكون مزح او تهريج ..
مش دايما بتكون النمر الغلط مشغولة وان ومش دايما مبتبقاش مشغولة يعني كلها صدف ...
لما واحد بيديلك رقم تليفونه بيقوله بسرعه ده لانه حافظة اساسا وعشان يحسسك انه رقم سهل حفظه ...
مبنسمعش موسيقى التليفون اثناء الانتظار لان فيه تليفونات كتير مفيهاش الخاصية دي ..
لمات بنصحا من النوم بنحس ان كمية النوم ناقصة عشر دقايق ( اشمعنا عشر دقايق انا بحس بانها ناقصة عشر ساعات ..) ممكن يكون لان الانسان حالته بعد الاستيقاظ مباشرة بتكون مختلفة عن حالته في نصف اليوم فبيحس انها ناقصة ...
وعامة يا أمان الاجابت سلوك الاشخاص المواقف دي بيخضع للفروق الفردية ..... والاجابات دي وجهات نظر
ومشكوووووووووووووور على مجهودك وننتظر اكثر .....