مصطلحات ... حلاوة

القاموس السياسي دليل الشباب الروش لفهم الكلام الكبير ....

العولمه
عملية تحول اجتماعى وثقافى وفنى تتزعمه فيفي عبده

الشفافيه
سمة ضروريه للمبلابس المستخدمه فى العولمه

التغيير
عملية شديدة الاهميه تتم للطفل عندما يكون مبلول

المبايعة
ورقه بتكتبها لما تبيع عربيه قديمه

غسيل الاموال
اسوأ ما يمكن ان يحدث لو نسيت المحفظه فى البنطلون قبل ما ترميه فى الحمام

عملية السلام
زى عملية اللوز بالظبط بتنتهى برمي اللوز فى الزباله

سلام عادل وشامل
طيب عادل وعرفناه مين بقى شامل ده؟

التنوير
عملية تتم فى الشوارع عندما يسكنها وزير

الارهاب
نوع من السطله يقدم مع الكباب

رجال الاعمال
اشخاص يعملون على فك الربط للرجاله وعمل الاعمال للستات

الجات
اسم يطلقه اهل اليمن على نبات يشبه البانجو

الشريط الحدودى
الشريط الجاى لعمرو دياب

عصر المعلومات
عصر يمكنك ان تحصل فيه على ما تريد اذا دفعت المعلوم

سياحة الاثار
خروج الاثار مع الخواجات من مصر تتفرج على العالم

قصور الثقافه
لا يزال وزير الثقافه يبحث عن السبب فى هذا القصور

المؤامرة الصهيونيه
ماركة جديده من الشماعات نعلق عليها هدومنا واخطأنا

العمل بالسياسة
يمارسه من يعمل سايس فى جراج

البيئه
شتيمه يطلقها الشباب على الطبقات الفقيرة

صندوق النقد
ميفرقش كتير عن صندوق الزبالة

حرية النشر
تمارسها السيدات على السطوح فى الاماكن الشعبيه

التعمير
عملية تتم فى الغرزة

العمل الثورى
مذكر العمل البقرى

قطاع الاعمال
زى قطاع الطرق بالظبط

التربيه
قديما كانت تقوم بها وزارة التعليم الان يقوم بها تجار المواشي

شهادة الايزو
شهادة مضروبه بيشتروها زى ما الفلاحين بيشتروا شهادة نحو الامية ويدفعوا فيها كيلتين
دره

احمد زويل
صنع فى مصر بس متجمع فى امريكا

موضوع هايل ومصطلحات روعة
بس ربنا يستر