امتحان الحصول على الجنسية المصرية

barby الأربعاء ديسمبر 10, 2008 8:24 pm

صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة :
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة –
كارت تليفون مينا تل – عملة مصرية - أي حاجة تشغل بيها وقتك)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها
(ما هي مش فارقة هتنجح هتنجح)
السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى مصر كان في الأصل......(حــلاق - نجار - تاجر مخدرات – صـــلاح - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه
اسمه برنامج..صباح الخير ............ (يا ماما - يا بابا - يا خالو - يا ريس - يا مصر)
- بص في ورقتك يا حيواااان!

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)

السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ . ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..
- و لو بتشجع أي فرقة من الفرق الأجنبية 'ريال مدريد ولا برشلونة ' مافيش دين أم جنسية

السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )
- صح طبعا ، كل حاجة في رمضان بصوت طارق نور

4- شاي الجوهرة حتة سكرة ( )

5- يحكم مصر النظام الملكي ( )

**أميرة الأحزان** الأربعاء ديسمبر 10, 2008 9:10 pm

ايه الاسئلة الجامدة دي
علي كدة اي حد ممكن يثبت الجنسية المصرية بالاسئلة السهلة دي
بس لي استفسار:-
هي الدرجة من كام؟
مشكوووووووووووووورة

امان الله الأربعاء ديسمبر 10, 2008 10:43 pm

هى مصر ناقصه بناادمين
ده المفروض ميدوش للمصريين نفسهم الجنسيه
على العموم
جزاااااك الله كل خير

barby الخميس ديسمبر 11, 2008 8:09 pm

مشكورين علي ردودكم

بس لسه يا اميره الاحزان موزعناش الدرجات

لما نحط الدرجه هبقي اقوللك

وبعدين يا امان ليه التشاؤم خلينا متفائلين

ده حتي مصر ام الدنيا

**أميرة الأحزان** الجمعة ديسمبر 12, 2008 12:44 am

ماشي بس ياريت يا باربي لما توزعو الدرجات تبقوا تبلغوني
وانتي عارفة طبعا تليفونات الشركات والمصانع بتاعتي
اصل في ناس اعرفهم عايزين يثبتوا الجنسية المصرية
ها استني منك تليفون

**ahmed010** الثلاثاء ديسمبر 16, 2008 12:12 am

موضوع جميل وخاصة سؤال الاختيارات ..
بس ياريت تدققي في الكلام اللي مكتوب ..

امتحان الحصول على الجنسية المصرية

امتحان الحصول على الجنسية المصرية

رد: امتحان الحصول على الجنسية المصرية

رد: امتحان الحصول على الجنسية المصرية

رد: امتحان الحصول على الجنسية المصرية

رد: امتحان الحصول على الجنسية المصرية

رد: امتحان الحصول على الجنسية المصرية