الادمـــان

دخان طاله في العالي مصدره انسان ماسك في ايده سيجارة
الادمان اتمكن منه جسمه على طول تعبان كسلان
صحته على طول مؤشر في النزلان
قلبه بيدق بسرعه عمره عمال بينقص وانت لسه بتزود الجرعة
فوق ياعم بقا بسرعة
نفسك ضيق مخنوق مش عارف تفوق
ياما قولنالك ياما عيدنالك بس الغيرة خدتك شدتك غرتك بنفسك
هتتحاسب عليه هو ايه ؟ عمرك قضيته في ايه
مفيش ثانية معدية والا السيجارة في ايديه خلاص مسكت فيه
شبعته واتمكنت منه من فوقه لتحتيه

ادمان بين الشباب ادمان ضيع احباب
مش عارف اعمل انا ايه مش عارف عايشين كده ليه

عملتلك ايه السيجارة طيب اسمع العبارة
كل حاجة انت بتشربها اخرتك بتقربها
وفي ثانية حياتك كلها بلها ميتها اشربها
والحكاية ان صاحبك قالك جربها
سمونا عالم تالت علشان شعارنا دايما تلفان
خرمان خربان مش شايف مش فاهم اي حاجة غير جراحة هي بس الاصطباحة
مش عارف اتكلم مش عارف اسلم صبحت وشد بالجامد علشان تعلم
قطع وافرد الدبوس وحضر الكباية شايف خيال قدامي عامل دماغ حكاية
الباكتة في الجاكتة وده حالنا في كل حتة

ادمان بين الشباب ادمان ضيع احباب
مش عارف اعمل انا ايه مش عارف عايشين كده ليه

كل شاب عنده كبت مش لوحدك دمك اهلك
اشكيلهم احكيلهم همك متسيبش نفسك للي حابسك
ادمان حرمان خسران صحتك اسرتك
بعت بيتك بعت اهلك عشان سيجارة
مخدرات دلوقتي بقت تجارة
يا شباب شوف كام شاب عمره كله ضاع
تاجر المخدرات مش بيحب الانفسه انسان طماع

ادمان بين الشباب ادمان ضيع احباب
مش عارف اعمل انا ايه مش عارف عايشين كده ليه



يارب تكون عجبتكم

برافو يا احمد
بكلام سهل اتكلمت عن مشكلة صعبة
مشكلة موجودة وشبابنا بيعانوا منها
ربنا يهديهم
جزاك الله كل خير