واحد رخم بيرن عليه ....

لو فيه رقم غريب بيرن عليك ويفصل على طول ... من الاخر واحد رخم وبيخنق عليك وانت مش عارف تفتح عليه ...
قدامك طريقتين
اول حاجة ممكن تعمل خدمة البريد الصوتي واللي هي من الاخر فكرتها زي فكرة الانسر ماشين بتتصل ببرقم البريد الصوتي ويا اما تسجل رسالة بصوتك وهو يسمعها (هزأه فيها براحتك) او تسيب الموظفة بتاعت الشركة هي اللي ترد عليه وفي كلا الحالتين بتتحسب عليه مكالمة يعني بيخسر من رصيده .... ورقم البريد الصوتي ده
لو انت فودافون بتكلم 808
او لو موبينيل بتكلم 777
او لو انت اتصالات 444
وخليه بقا عشان يعرف يرن عليك تاني ... واوعو تنسوا ده مبيحصلش الا في حالة انت مبتردش عليه بعد الرن الكتير او في حالة انك قافل تليفونك وده الافضل ....
تاني طريقة بس عايزة صبر شوية ... ممكن تجيب الموبايل وتقربه من شاشة الكمبيوتر او التلفزيون ويفضل الكمبيوتر ولو شفت الشاشة بتتهز اعرف انه هيرن كمان تقريبا تلات ثواني ... وياريت لما تفتح عليه تقفل تاني على طول (عشان تحرق دمه)

معاك حق والله
شكرا علي النصيحة الجميلة دي
بس عايزة اقولك ان انا عادة بعمل الطريقة التانية لانها فعلا بتحرق دم المتصل
جزاك الله كل خير

هي فعلا افضل بس الطريقة الاولى تعمليها لو مش عارفة تفتحي عليه