لعبة ازاي تتصرف في """"

أولا أحب أحى الأعضااااء كلهم ، هى اللعبه بمنتهى الاختصار عباره عن مواقف و انت تقول هتتصرف فيها ازاى يعنى مثلا أنا هاخش اقول موقف و اللى بعدى يقول لو كان فى الموقف ده هيتصرف إزاى و يقول موقف و اللى بعده يرد على الموقف بتاعه و كذلك على طول و يارب يعجبكم و أحب أوضحا أكتر مثلا :

أنا هاقول ((( تتصرف ازاى لو الشبشب بتاعك اتقطع و انت نازل فى الشارع و بعيد عن البيت )))
اللى بعدى يبدأ يرد عليا مثلا (( هارجع البيت و امشى حافى فى الشارع ))) و كذلك على طول

ياااااااااااااااا رب تعجبكم .

وبما اني انا اللي حاطط اللعبة فانا اللي هسأل اول سؤال
لو انت ماشى فى الشارع ولقيت واحد صاحبك ماشى قدامك وحبيت تفجأه ورحت جاىىى من وراه وضربته بالقفى فطبعاا صحبك بصلك واكتشفت انتى بقى يا حلو انه مش صاحبك طلع واحد تانى هتعمل ايه ( مع العلم انه ضخم جدااااا ) ههههههه
(اللي بعدي هيرد وبعدها يحط سؤال للي بعده)

بالنسبه لاحمد احاول اعمله اى مشكله والهيه فى موضوع تانى علشان ينسى الكف يعنى مثلا اقوله انت ايه الى عملته ده بتضرب اخويا الصغير ليه هيقولى اخوك مين هقوله محمد مثلا هيقولى مضربتهوش انا هقوله معلش العنوان طلع غلط واجرى .
اما بالنسبه لباربى انا الى هعمله بكل بساطه امسك باقى الدولسى واكمله على السواق وانزل بسرعه علشان هو الغلطان
اما بالنسبه للموقف بتاعى (هو نفس موقف احمد بس انت الى انضربت )

يا امان اولا المفروض تجاوب عالسؤال الاخير بس
ثانيا ياريت بلاش تكرار المواقف (فين روووووح الابتكار)
وعموما ياعم هجاوبلك عالسؤال بتاعك
لو حصل معايا اكيد مش هفكر اني اشوف مين اللي ضرب .. اكيد هردهوله القلم عشرة ... ولو كان برضه ضخم جدا زي اللي انضرب قبل كده اكيد هطلع اجري بعد اما اضربه (اجري نص الجدعنة)
السؤال بتاعي : لو انت وصاحبك روحتوا عزاء وحصل موقف يضحك وصاحبك قعد يضحك .... هتعمل ايه ؟

عادي هقضيها ... يعني هاعمل ايه ؟؟؟ والله حصلت معايا في امتحانات الترم وانا في سنة خامسة ابتدائي .. كنت عمال اذاكر تاريخ طول اليوم وعرفت لما روحت المدرسة اني علية جغرافيا .... كل اللي عملته بصيت في كتب اصحابي قبل الامتحان وعديت فيها ....
الموقف بتاعي
لو دخلت مسابقة كبيرة زي من سيربح المليووون ... وكسبت فيها .... قول نص مليووون ... ايه اللي هتفكر تعمله ؟؟

احم احم
اكيد مش هعرف حد فيكم
ههههههههههه بهزر طبعا


طيب تعمل ايه لو دخلت سوبر ماركت واشتريت حاجات كتير وفجأة وانت بتطلع الفلوس مالقيتش معاك فلوس؟؟؟؟؟؟

ولا حاجه هسأل البياع لو كان معاه فكت 500 وطبعا مستحيل يكون معاه ولو معاه هتبقي انيل
هتعمل ايه لو انت \انتي ماشي في الشارع ووقع عليك جردل ميهمن بلكونه

ايه الموقف المحـــرج ده .... على طول هاخد تاكسي واروح اغير وانزل تاني .....
طيب تعمل ابه لو ماشي في شارع لوحدك مفهوش نور ولقيت اسد ماشي وراك

طيب تعمل ابه لو ماشي في شارع لوحدك مفهوش نور ولقيت اسد ماشي وراك [/quote]
بما ان مفيش نور هعمل نفسي مش شايفه واطلع فوق اول شجره

تعمل ايه لو خسرت اقرب شخص ليك عللشان حاجه هيفه جداا(كنسلت علي معاده) ومش عايز يفهمك

احاول اقنعه اكتر واجيب له سبب مقنع وبما انه اقرب شخص ليا يبقى هيفهمنى ان شاء الله
طالما انا بتكلم الصدق

طيب تعمل ايه لو انت معزوم عند ناس على الغدا ولما اتحط الاكل كانت كل حاجه كامله ادامك ما عدا المعلقه

هستأذن منهم علشان ارد عالتليفون ( على اساس انه كان صامت ) وبعدها اخلع منهم .....


السؤال للي بعدي :
تعمل ايه لو كنت بتحب نجم او نجمة مشهورة ... سواء كان ممثل مطرب او لاعب ... وقابلته صدفة في الشارع ... بس لاقيته بيتعامل معاك بغرور وتعالي ....

ولا كأنى شفتو اساسا واسيبو وامشى

المهههههههههههههههههههههههههههههههم

تعمل ايه لو دخلت البلاكونة والباب اتقفل عليك , ومفيش حد في البيت يفتح لك باب البلكون , وساكن في الدور الرابع,ومفيش معاك محمول, والمفتاح في الشقه, واهلك مسافرين.

اكيد المكان اللي انا رايحله بالتاكسي فيه فلوس ... ممكن اوا ما انزل اتصرفله في فلوس واديله يا إما اطلب منه اني ارجع البيت اجيبله فلوس .
الموقف بتاعي :
تعمل ايه لو ماشي في السوق في وسط الناس .. وفجأة اتزحلقت وقعت على الطينة وهدومك طبعا بقت طينة ......

اولا هقوم عادي ولا كأن حصل حاجة ( علي اساس انه مايوقعش الا الشاطر) وبعدين هرجع البيت بسرعة واغير هدومي


بمناسبة ان احنا لسة خارجين من الامتحانات

تعمل ايه لو انت رايح امتحان اخر السنة وكنت مزاكر مادة معينة وانت داخل الامتحان وبعد ما استلمت ورقة الاسئلة اكتشفت ان دة امتحان مادة تانية غير اللي مزاكرها؟؟؟

هحاول أألف فيها على قد ما اقدر ... لو مفيش فايدة ... ممكن امثل اني بيغمى عليه ... واقلب اللجنة لحد ما يعملوا ليه لجنة خاصة ... واكيد ساعتها الموقف هيتغير هههههههههه ..

تعمل ايه لو انت واقف على دي جي في فرح والعريس والعروسة بيرقصوا سلو ... والكل منمج مع الموسيقى وفجأة ...
الكمبيوتر هنج منك او فصل لوحده .. والكل بيبصلك ومضايق .... هتمسك المايك و تكمل انت الاغنية عبال مالجهاز يشتغل ولا هتعمل ايه ..

هنادى للناس الى بلكنتهم جنبى وادخل من بلكوتهم واخرج اجيب نجار يفتح الباب


تيب تعمل اية بقى لو انت رايح مشوار مهم وصحت متاخر وبعد ما وصلت اكتشفت ان الشراب الى انتة لبسة فردة سمرة وفردة كحلى

على فكرة انا قب لما ارد مشفتش دة كلة مشفتش الى بعد موضوع البلكونة ودى مشكلة ممكن المدير يشوف المشكلة
وبالنسبة لموقف احمد هحاول اهدى الموقف واتاسف للناس واحاول اغنى انا بس مش اغنية سلو علشان الناس تهيص وتغنى معايا
وبردة انا الموقف بتاعى هوهو بتاع الشراب

هشتري شراب جديد من اي مكان ..

الموقف للي بعدي :
تعمل ايه لو ماشي في الشارع وواحد مجنون رش عليك ميه ....

هجري بسرعه وبعدين اخد شور

الموقف::
(تعمل ايه لو اكتشفت اني حبيبك كداب)

على حسب الموضوع نفسه ... لو حاجات بسيطة اكيد هدور على السبب اذا كان مقنع ولا لا .. اما لو موضوع كبير .. اكيد مش هعرفه تاني .


للي بعدي :
تعمل ايه لو راكب الاسانسير بالليل وفجأة الكهرباء قطعت ..

[img][/img]

ايه يا جماعة ؟؟؟؟؟
الموقف صعب للدرجة دي ...
ومحدش يعرف يتصرف فيه .....